கட்டம் கட்டப்படும் சக்சேனா

July 7, 2011 | no commentsசன் டி.வியின் முதன்மை செயல் அதிகாரி சக்சேனா மீது சேலம் விநியோகஸ்தர் செல்வராஜ் கொடுத்த புகாரின் அடிப்படையில் அவரை கைது செய்த காவல்துறை நீதிமன்ற அனுமதியின்படி அவரை இரண்டு நாள் போலீஸ் காவலில் எடுத்து விசாரித்து வருகிறது. அதே நேரத்தில் இது ஆதாரமில்லாத பொய் வழக்கு என்று சன் டி.வி தரப்பில் கூறப்பட்டுள்ளது.

இதற்கிடையில் சக்சேனாவின் உதவியாளர் தம்பிதுரை, மற்றும் விநியோகஸ்தர் அய்யப்பன் இருவரையும் விசாரணை வளையத்தில் கொண்டு வந்திருக்கிறதாம் காவல்துறை. இந்த நிலையில் இன்னும் சில அதிரடிகள் அரங்கேறலாம் என்ற தகவல் கோடம்பாக்கத்தை சூழ்ந்திருக்கிறது.

சன் பிக்சர்ஸ் சார்பாக வெளியிடப்பட்ட படங்களை நேரடியாக தியேட்டர்களில் ரிலீஸ் செய்த திரையரங்க உரிமையாளர்களும் தாங்கள் மோசடி செய்யப்பட்டிருப்பதாக புலம்புகிறார்கள். தமிழகம் முழுவதுமிருந்து சுமார் 12 க்கும் மேற்பட்ட திரையரங்க உரிமையாளர்கள் சென்னைக்கு வந்திருப்பதாகவும், இன்று மாலைக்குள் காவல்துறை ஆணையரை சந்தித்து புகார் கொடுக்கவிருப்பதாகவும் தகவல்கள் கசிகின்றன.

அதற்குள் இவர்களை சந்தித்து சமாதானப்படுத்தும் வேலைகளும் ஒருபுறம் நடந்து வருகிறதாம்.

Posted in: கட்டப்படும்,கட்டம்,சக்சேனா